Ghall-ewwel darba fl-istorja ta’ pajjizna, il-Gvern Malti ha jaghti kumpens lic-cittadini li sofrew minn x’ inkonvenjent li nholoq minhabba progetti storici li saru fl-inhawi tar-residenzi ta’ dawn l-istess cittadini. F’mossa li hafna qed isostnu li hi bla precedent, ix-xahar l’ghadda l-Ministru Konrad Mizzi ddikkjara li r-residenti ta’ Birzebbuga ha jkunu jistghu jibbenefikaw minn skema fejn fiha jistghu jaghmlu id-‘double glazing’ fir-residenzi taghhom, dan biex itaffi mill-istorbju ta’ krejnijiet itambru lejl u nhar mill-Freeport, u li ilu johloq inkonvenjent ghal dawn l-ahhar 25 sena.
Fi stharrig li ghamilna fost ir-residenti milqutin, skoprejna li din l-inizjattiva ma gietx milqugha b’mod pozittiv mir-residenti kollha. Residenta li xtaqet tibqa’ anonima peress li “r-ragel jahdem l-Airmalta” qaltilna li ma tantx hi kuntenta b’dan l-izvilupp, “Issa bid-‘double glazing’ mhux xorta zejt fil-bazwa? X’se naghmlu? Noqghodu bit-twieqi maghluqin fis-Sajf biex ma nisimghux hsejjes? La zzattat il-Ministru biex jaghlaqna gewwa, missu johrog skema biex naghmlu kullimkien ‘air-conditioned’, hux? U waqt li jkun hemm, jekk veru jrid jegevola r-residenti ta’ Birzebbuga, messu wkoll jtina sussudju qawwi fuq id-dawl. Taf int, ‘air-conditioner’ jtella’ l-kontijiet m’oghla sema.”
Sadanittant, diceriji li waslu fl-inewsroom taghna jghidu li f’bosta nhawi madwar Malta qed jithejjew dimostrazzjonijiet kbar bi protesta ghal din l-inizjattiva “bla precedent”. Bosta anzjani li ltqajna maghhom fi Pjazza Gavino Gulia, maghrufa ahjar bhala s-suq ta’ Bormla, taht id-dell tal-monument tal-Perit Mintoff, gergru li “ghamilna ghexieren ta’ snin nsofru kull inkonvenjent ahna, sandblasting mid-dockyard, storbju tal-vapuri… Hadd qatt ma kkumpensana, jmisshom jisthu!” Anzjan ta’ madwar 80 sena qalilna, “Ahna dejjem minn taht mal-gvern tal-labour, meta jiftillu l-partit jiftakar li Bormla fortizza laburista. Ghalkemm issa bit-‘Taghna Lkoll’ ma tistax tghid fejn qeghdin il-fortizzi tal-Partit.”
Dan is-sentiment kien maqsum ukoll min-nies tal-Birgu li ghadhom jhossu n-nuqqas li kemm ilu li twaqqfet il-‘yacht marina’ ma jistghux jaghmlu ‘barbecues’ ix-xatt. Girbija mfantsta bl-agir tal-Ministru Mizzi qaltilna, “Naghmlu protesta kbira l-Belt, mhux kulhadd gej u sejjer hemm, jipprotesta jew ghal haga jew ghal ohra? Ahna haqqna kumpens ikbar minn ta’ Birzebbuga. Dawk ilhom 25 sena biss isofru, ahna hawn isfel kull k**z li jkun hawn nibilghuh ahna!”
Lil hinn mill-inhawi tal-port, sorsi qrib xi kunsillieri mill-lokalita tax-Xghajra nfurmawna li r-residenti ta’ dan il-villagg ukoll qed isostnu li haqqhom kumpens bhar-residenti ta’ Birzebbuga. Is-sorsi taghna qalulna li, “Tafu x’igifieri li ma tistax tiehu nifs gurnata wara l-ohra, bl-intejjen gejjin il-hin kollu mill-impjant tad-drenagg Ta’ Barkat? Konrad missu tah lilna d-‘double glazing’ jew ta’ l-inqas jaghmel skema biex kull residenza fil-vicin ikollha provista ta’ ‘air freshener’ b’xejn tul is-sena kollha. Mhux sew li ahna r-residenti jkollna nxommu il-h**a tal-pajjiz kollu, lejl u nhar.”
Fil-pjazza tal-knisja ta’ Hal-Luqa, tkellimna ma residenti Luqin li stqarrew li l-istorbju kontinwu mhux xi haga gdida ghal dan ir-rahal. “Mela ma jafx Konrad li l-istorbju ta’ l-ajruport ilna nsofruh minn zmien il-gwerra. It-trawma li tkun fl-aqwa nghasa u xi dimonju ghaddej minn fuq rasek jqabbzek minn gos-sodda, m’hemmx kumpens ghaliha. Mhux wiehed u tnejn baqghu itemtmu waqt li kien niezel il-Concorde xi 25 sena ilu. Venven kull m’hawn u ahna bqajna b’xiber imnieher. U xi nghidu ghal meta gew Gorbachev u Bush, u nizel l-Antanov, hanzir t’ajruplan fih daqs blokka bini? Qisu terremot qawwi – ghad ghandi l-konsenturi fil-hajt tal-kcina xhieda ta’ dan,” qalilna resident ta’ Hal Luqa b’dispjacir.
Residenti f’Bahar ic-Caghaq ukoll dehru rrabjati ghal dan l-izvilupp. Anzjana li ilha toqghod fl-inhawi ghal dawn l-ahhar 30 sena tbaqbqet, “Ghamilna snin shah nghixu f’riha ta’ bajd iebes taqsam. Lanqas tilhaq tfegg minn tieqa li ma tifqax l-istonku tieghek. Tant hu hekk li llum sirt allergika ghal bajd mgholli u malli nxomm r-riha tieghu jaqbadni tkexkix kbir u taqligh qawwi. Hadd ma haseb fuq id-dwejjaq li qed nghixu kull gurnata li tghaddi. Illum m’ghadx hawn irwejjah, imma l-Ministru missu johrog kumpens b’lura. Safrattant, hadd mhu ahjar minn hadd, jekk ghandna surplus dan suppost ghal kulhadd. Ma nafx ghaliex ta’ Birzebbuga preferuti, x’kull wahda!”
U ezatt bhal tat-Taxi Mary bqajna nduru l-irhula u bliet mxerrdin ma’ Malta, fejn jidher car li nkonvjenti c-cittadini Maltin sofrew kemm trid u kien rarissmu li dawn xi darba rcevew xi forma ta’ kumpens. Dan kollu jwassal ghal mistoqsija ovvja… Ghaliex il-Ministru Mizzi jippreferi jferrex lir-residenti ta’ Birzebbuga? U ghaliex issa?
Sadanittant, nitolbu lil qarrejja taghna joqghodu attenti ghal aktar aggornamenti dwar protesti imminenti jew skemi godda that l-inizjattiva ‘Ferrex u Ferrah’ imnedija mill-Ministeru ta’ l-eminenza tieghu Konrad Mizzi.